C-Level များ၏ နေပြည်တော် ရုံးခွဲများသို့ ကွင်းဆင်းသွားရောက်ခဲ့

ဖေဖော်ဝါရီ ၂၄ နှင့် ၂၅ ရက်များတွင် Hana Microfinance ၏ C-Level များသည် နေပြည်တော်တိုင်းဒေသကြီးရှိ ရုံးခွဲ (၃) ခု—လယ်ဝေး၊ တပ်ကုန်းနှင့် ပျဥ်းမနားသို့ Field Visit သွားရောက်ခဲ့ပါသည်။

ဤခရီးစဉ် အတွင်း ရုံးခွဲများမှ ဝန်ထမ်းများနှင့် တွေ့ဆုံပြီး လုပ်ငန်းဆောင်ရွက်မှုများအား လေ့လာသုံးသပ်ခဲ့ပြီး၊ အသင်းသား (client) များ၏ လုပ်ငန်းများသို့လည်း သွားရောက်လည်ပတ်၍ အခြေအနေများအား တိုက်ရိုက်လေ့လာခဲ့ပါသည်။

ရုံးခွဲများနှင့် ဆွေးနွေးမှုများ

Field Visit တွင် ရုံးခွဲအသီးသီးမှ မန်နေဂျာများသည် လက်ရှိလုပ်ဆောင်မှုများ၊ ကြုံတွေ့နေရသည့် အခက်အခဲများနှင့် တိုးတက်မှုများကို တင်ပြဆွေးနွေးခဲ့ကြပါသည်။ အထူးသဖြင့်—

ချေးငွေသစ်များ ထုတ်ပေးရန်လိုအပ်မှု
ရုံးခွဲငှားရမ်းမှုနှင့် ဝန်ထမ်းထွက်ခွာမှုများကြောင့် ဖြစ်ပေါ်နေသည့် အခက်အခဲ နှင့် စိန်ခေါ်မှုများ
ရုံးခွဲများမှ ၂၀၂၅ ဒီဇင်ဘာအတွင်း PAR (Portfolio at Risk) လျှော့ချနိုင်ရန် လျာထားမှု

စသည်တို့ကို အခြား C-Level များနှင့် ပြန်လည်ဆွေးနွေးခဲ့ကြပါသည်။

ဝန်ထမ်းများအား ဂုဏ်ပြုညစာ

Field Visit အပြီးတွင် C-Level များမှ ရုံးခွဲ (၃) ခုရှိ ဝန်ထမ်းများအား ဂုဏ်ပြုညစာ စားပွဲပြုလုပ်ပေးခဲ့ပါသည်။ ယင်းညစာစားပွဲတွင် ရုံးခွဲဝန်ထမ်းများက အသိအမှတ်ပြုပေးပြီး စိတ်ဓာတ်ခွန်အားများ တက်အောင် ပြုလုပ်ပေးမှုကြောင့် ဝမ်းသာကြောင်း၊ အခုလို field visit ကြောင့် Team Work ပိုမိုအားကောင်းစေကြောင်း နှင့် ယခုကဲ့သို့ Field Visit များကို နောင်တွင်လည်း ဆက်လက်ကျင်းပပေးရန် မျှော်လင့်ကြောင်း စသည်ဖြင့် ဝန်ထမ်းများ၏ ၎င်းတို့၏ အမြင်နှင့်အတွေ့အကြုံများကို မျှဝေ ခဲ့ပါသည်။

Hana Microfinance ၏ C-Level များမှ ရုံးခွဲများနှင့် အသင်းသားများအား တိုက်ရိုက်တွေ့ဆုံကာ လုပ်ငန်းတိုးတက်မှုနှင့် ဝန်ထမ်းများ၏ အရည်အသွေးများမြှင့်တင်ရေးကို ဆက်လက်အာရုံစိုက်မည်ဖြစ်ပါသည်။