ဧပြီလအတွက် ကိုယ့်ကံကြမ္မာဘယ်လိုရှိလဲကြည့်ရအောင်

Message From Mrs.Thet Htar Oo (Chief Human Resources Officer)

မင်္ဂလာပါ လုပ်ဖော်ကိုင်ဖက်များရှင့် 

 ၂၀၂၄ တစ်နှစ်ပတ်လုံး နဲ့ ၂၀၂၅ ပထမ သုံးလပတ် ကာလအတွင်း ကျွန်မတို့ ဝန်ထမ်းတွေရဲ့ စဥ်ဆက်မပြတ် ကြိုးပမ်းအားထုတ်မှုတွေကြောင့် ကြုံတွေ့ခဲ့ရတဲ့ စိန်ခေါ်မှု တစ်ချို့ကို ကျော်လွှားနိုင်ခဲ့ပါတယ်။ ဒီလိုကျော်လွှားနိုင်ဖို့ဆိုတာ မလွယ်ကူခဲ့ပါဘူး။ 

ဝန်ထမ်းတစ်ယောက်စီတိုင်းဟာ ကုမ္မဏီရဲ့ အရေးပါတဲ့ အခန်းကဏ္ဍကနေပါဝင်နေပြီး "မြန်မာနိုင်ငံတွင် ရေရှည်တည်တံ့ ဖွံ့ဖြိုးတိုးတက်ရေးအတွက် ယုံကြည်စိတ်ချရဆုံးသော ငွေကြေးဆက်သွယ်မှု တည်ဆောက်ပေးရန်" ဆိုတဲ့ ကျွန်မတို့ ကုမ္ပဏီရဲ့ မျှော်မှန်းချက်ကို အကောင်ထည်ဖော်နိုင်ဖို့လိုအပ်ပါတယ်။ ဒီလို မျှော်မှန်းချက်ကို အောင်မြင်ဖို့အတွက်ဆိုရင် ဌာနတစ်ခုချင်းစီက တူညီတဲ့ အရှိန်အဟုန်၊ တူညီတဲ့ စိတ်အားထက်သန်မှုတွေနဲ့ လုပ်ဆောင်ကြဖို့လိုပါတယ်။ ဒါ့အပြင် ကျွန်မတို့အားလုံးက အပြောင်းအလဲကိုလက်ခံကျင့်သုံးဖို့နဲ့ စဉ်ဆက်မပြတ် တိုးတက်ကောင်းမွန်အောင် ကြိုးစားတတ်တဲ့ အလေ့အထကိုလည် မြှင့်တင်ကြဖို့ လိုအပ်ပါတယ်။ 

ရှေ့လတွေရဲ့ Management စကားသံတွေမှာလည်း CEO, CSO နဲ့ CFO အသီးသီးတို့က Corporate Culture ရဲ့ အရေးကြီးပုံကိုလည်း ဖော်ပြထားပြီး ဖြစ်ပါတယ်။ ဒါကြောင့် ကျွန်မအနေနဲ့လည်း ထပ်မံပြီး လုပ်ဖော်ကိုင်ဖက်များကို တိုက်တွန်းလိုတာက ပိုမိုစနစ်ကျသော ဖော်ဆောင်မှုများနဲ့ အတူ ကုမ္ပဏီ၏ သတ်မှတ်ထားတဲ့ Corporate Culture နဲ့ ကိုက်ညီအောင် ကျွန်မတို့ အားလုံး နေထိုင်သွားကြဖို့ အထူးလိုအပ်ပါတယ်။ 

Management အဖွဲ့ဝင်တစ်ယောက်အနေနဲ့ ကျွန်မတို့ရဲ့ ဝန်ထမ်းတွေဟာ REACT with Integrity "သမာသမတ်ကျကျ ပြုမူဆက်ဆံပါ" ဆိုတဲ့ ကျွန်မတို့ရဲ့ အခြေခံတန်ဖိုးတွေကို အမှန်တကယ် လက်တွေ့ကျင့်သုံးနေကြမယ်လို့ ယုံကြည်ပါတယ်။ ဒီလို အပြုအမူကောင်းများကို ဆက်လက်ထိန်းသိမ်း လုပ်ဆောင်ကြရအောင်။ 

အထူးသဖြင့် ဒီလိုစိန်ခေါ်မှုများပြီး ခက်ခဲတဲ့အချိန်ကာလမှာ ဝန်ထမ်းတစ်ဦးချင်းစီအနေဖြင့် ဇွဲလုံလရှိရှိ လိုက်လျောညီထွေစွာနဲ့ အနစ်နာခံကြိုးပမ်းမှုများကို ကျွန်မအနေနဲ့ အသိအမှတ်ပြုလိုပါတယ်။ 

အထူးသဖြင့် လတ်တလောမှာ ရင်ဆိုင်ကြုံတွေနေရတဲ့ သဘာဝဘေးအန္တရာယ် အဖြစ်အပျက်တွေနဲ့ပတ်သက်ပြီး အလွန်စိုးရိမ်ပူပန်ရပါတယ်။ ဒီလို ထိခိုက်ဆုံးရှုံးမှုများ အတွက် ကျွန်မတို့ရဲ့ လုပ်ဖော်ကိုင်ဖက်တွေအားလုံးနဲ့ ထပ်တူ စိတ်မကောင်းဖြစ်ရပါတယ်။ အခုလိုအချိန်မှာ စိတ်ဖိစီးမှုတွေ၊ စိုးရိမ်ပူပန်မှုတွေရှိနေကြမယ်ဆိုတာလဲ နားလည်ပါတယ်။ ကျွန်မတို့အနေနဲ့ ဝန်ထမ်းတွေရဲ့ လုံခြုံဘေးကင်းရေးကို ပထမဦးစားပေးအဖြစ် သတ်မှတ်ပေးထားပါတယ်။ 

ခက်ခဲတဲ့နေ့တွေမှာတောင် အားလုံးရဲ့ ခွန်အားနဲ့ ကောင်းမွန်အောင် ဘယ်လိုလုပ်နိုင်ခဲ့တယ်ဆိုတာကို ပြန်လည် သုံးသပ်ပြီး ရရှိလာတဲ့ အောင်မြင်မှု တစ်ခုချင်းစီအပေါ် ကျေနပ်ဂုဏ်ယူပြီး တစ်ယောက်ကို တစ်ယောက် ဆက်လက် ကူညီပံ့ပိုးပေးကြရင်း တစ်လှမ်းချင်းစီ အတူ ရှေ့ဆက်ကြရအောင်။ ကျွန်မတို့ အားလုံး အတူတူရင်ဆိုင် ဆက်လက် ကျော်လွှားမယ်ဆိုရင် ပိုမိုကောင်းမွန်တဲ့အောင်မြင်မှုတွေကို အနာဂတ်မှာ ရရှိလာမယ်လို့ ယုံကြည်ပါတယ်။