၂၀၂၅ ခုနှစ်၏ မတ်လ Townhall အား အောင်မြင်စွာကျင်းပပြုလုပ်ခဲ့

မတ်လ (၁၀) ရက်နေ့တွင် လစဥ်ကျင်းပပြုလုပ်သည့် Townhall အား CEO ဦးမင်းမင်းဇော်မှ အဖွင့်နှုတ်ဆက်စကားပြောကြားပြီး စတင်ဖွင့်လှစ်ခဲ့ပါတယ်။

Townhall တွင် CEO မှ ရုံးချုပ်အပါဝင်ရုံးခွဲဝန်ထမ်းများနှင့်မျှဝေခဲ့သောအကြောင်းအရာများ

Hana Financial Group ၏ အသင်းသားများအပေါ် ပိုမိုနားလည်မှုရှိရန်အတွက် ရိုက်ကူးထားသော video အား ဝန်ထမ်းများအားလုံးနှင့်အတူတကွမျှဝေခဲ့ပါတယ်။
အဆိုပါ video တွင် Customers များ၏ နှလုံးသားကို အပိုင်ရဖို့ဆိုရင် သူတို့အတွက် အမှတ်တရကောင်းတွေ ဖန်တီးပေးဖို့
Customers ရဲ့အမြင်၊ ရှုထောင့်ကနေ ကြည့်တတ်ဖို့နှင့်
အစားသောက်တစ်ခုတည်းသာမဟုတ်ဘဲ Customers တွေကို အလေးထားဂရုစိုက်ဖို့
နွေးထွေးတဲ့စကားတစ်ခွန်းကလဲ Customers တွေကို သက်ရောက်မှုကြီးကြောင်း စသည့်အချက်များကို အဓိကထားပြောထားပြီး

CEO မှ ၎င်း Video နှင့်ဆက်စပ်၍ အသင်းသားများအား မိသားစုကဲ့သို့ နွေးနွေးထွေးထွေးနှင့်ဆက်ဆံသင့်ကြောင်း၊ မိမိ၏ အသင်းသားများအား နာမည်ကအစမှတ်မိနေရန်လိုကြောင်းနှင့် Responsible Microfinance တစ်ခုမှာ ရှိရမည့်အရည်အချင်းများအား ဖြည့်စွက်ပြောကြားပြီး Townhall တက်ရောက်သည့် FO/IFO များအား မျှဝေပေးခဲ့ပါတယ်။

ထို့နောက် ဖေဖော်ဝါရီလအတွင်း ဟာနာသို့ဝင်ရောက်လာသော ဝန်ထမ်းသစ်များအား ဝန်ထမ်းများအားလုံးနှင့် မိတ်ဆက်ပေးခဲ့ပါတယ်။
စွမ်းအင်ချွေတာရေးအတွက် လုပ်ဆောင်ခဲ့သော Campaign တွင် ပူးပေါင်းပါဝင်မှုအကောင်းဆုံးဖြစ်ခဲ့သော Internal Audit Department အား CEO မှ Green Department ဆုအား ပေးအပ်ခဲ့ပါတယ်။
ရုံးခွဲများ၏ ဖေဖော်ဝါရီလအတွင်း အကောင်းဆုံးစွမ်းဆောင်ရည်ပြသနိုင်ခဲ့သည့်ရုံးခွဲများဖြစ်သော

Top Collection Branch (Type B)ရုံးခွဲ ဆုအတွက် မိုးညှင်းရုံးခွဲနှင့်

PAR အလျှော့ချနိုင်ဆုံးရုံးခွဲဖြစ်သည့် ပျော်ဘွယ်ရုံးခွဲ (Type C, D)နှင့်

High Loan Portfolio Growth Rate (Type E) ဆုရ ဟင်္သာတရုံးခွဲ

တို့အား ချီးကျူးဂုဏ်ပြုစကားပြောကြားခဲ့ပါတယ်။

ဖေဖော်ဝါရီလအတွင်း Write-off များအား အကောင်းဆုံးပြန်လည် ကောက်ခံနိုင်ခဲ့သော FO/IFO များမှာ

ကျိုက်ထိုရုံးခွဲမှ မနှင်းဝေဝေအောင်၊ မမြတ်သီရိလွင် နှင့် ပျော်ဘွယ်ရုံးခွဲမှ ကိုဝေဇော် တို့ပဲဖြစ်ပါတယ်။

အခက်အခဲများကြားမှ အကောင်းဆုံး ပြန်လည် ကောက်ခံနိုင်ခဲ့သည့်အတွက် CEO မှ ချီးကျူးဂုဏ်ပြုစကားပြောခဲ့ပါတယ်။

CSR လှုပ်ရှားမှုအဖြစ် ဖေဖော်ဝါရီလအတွင်းပြုလုပ်ခဲ့သော ကလေးများနေ့အထိမ်းအမှတ် သွားရောက်လှူဒါန်းခဲ့သည့်ပုံရိပ်များ
ဖေဖော်ဝါရီလအတွင်း C-Levels များမှ Field Visit သွားခဲ့သည်များအား ပြန်လည်မျှဝေခဲ့ပါတယ်။
Knowledge Sharing Session တွင် ကိုရီးယားဘာသာစကားအား Sunny၊ ဆရာဉာဏ်လင်းထက် တို့နှင့်အတူတကွ လေ့လာခဲ့ကြပါတယ်။
CEO မှ ဦးဆောင်၍ လအလိုက် Recap Quiz များအား ရုံးချုပ်နှင့် ရုံးခွဲအသီးသီးရှိ ဝန်ထမ်းများအား တိုက်ရိုက် အမေးအဖြေ ပြုလုပ်ကာ ရုံးချုပ်ဝန်ထမ်းများနှင့် online မှတက်ရောက်သည့် ရုံးခွဲဝန်ထမ်းများမှ တက်ကြွစွာ ပါဝင်ဖြေဆိုခဲ့ကြပါတယ်။

နောက်ဆုံးအနေဖြင့် ဝန်ထမ်းများမှ Management များအားမေးထားသော မေးခွန်းများကို CEO နှင့် CHRO တို့မှ ပြန်လည်ဖြေကြားပေးခဲ့ပြီး ဟာနာ၏ ဆောင်ပုဒ်ကို အတူတကွရွတ်ဆိုခြင်းဖြင့် မတ်လ၏ Townhall အား အဆုံးသတ်ခဲ့ပါတယ်။