ဧပြီလအတွက် ကိုယ့်ကံကြမ္မာဘယ်လိုရှိလဲကြည့်ရအောင်

Message From CEO U Min Min Zaw 

မကြာခင်မှာ နှစ်တစ်နှစ်ကုန်ဆုံးတော့မှာ ဖြစ်ပြီး ယခုနှစ်အတွင်း ဝန်ထမ်းများအားလုံးရဲ့ ကြိုးစားအားထုတ်မှုများ နှင့် စည်းလုံးညီညွတ်စွာ ပူးပေါင်းဆောင်ရွက်မှုများကြောင့် အောင်မြင်မှု (achievement) များရရှိခဲ့တာ ဖြစ်ပါတယ်။ ယခုနှစ် နိုဝင်ဘာလ နှင့် ဒီဇင်ဘာလ (၂) လတာ ကာလ အတွင်း delinquency များ သိသိသာသာ ကျဆင်းခဲ့သလို on time repayment rate လည်း တိုးတက် ကောင်းမွန်ခြင်း သည် ကြီးကြပ်သူအဆင့်ဆင့်တို့၏ ဦးဆောင်မှုများနှင့်အတူ ဝန်ထမ်းများ တစ်ဦးချင်းစီရဲ့ ကြိုးစားအားထုတ်မှုနှင့် စည်းလုံးညီညွတ်စွာ ပူးပေါင်းဆောင်ရွက်မှုများကြောင့်သာ ဖြစ်ပါတယ်။ 

ဒီလိုဆက်လက်ပြီး အောင်မြင်မှုတွေ ရရှိဖို့အတွက် ဝန်ထမ်းများအနေနဲ့ အသင်းသား (client) များ အပြင် အခြားသော အကျိုးစီးပွားဆက်စပ်နေသူများ (stakeholder) တွေနဲ့ပါ ဆက်ဆံရေး ကောင်းဆုံး တည်ဆောက်ကြဖို့ တိုက်တွန်းလိုပါတယ်။ ထို့အတူပဲ မိမိတို့ရဲ့ အသင်းသားများရဲ့ လိုအပ်ချက် နဲ့ လိုအင်ဆန္ဒ (Need and Want) များကို အဓိက အာရုံစိုက်ပြီး သိရှိအောင် ဆောင်ရွက်ကြဖို့လည်း တိုက်တွန်းလိုပါတယ်။ မကြာခင်မှာ ၂၀၂၄ နှစ်ကုန်ဆုံးတော့မှာ ဖြစ်ပြီး ပြီးခဲ့တဲ့လများဆီက သင်ခန်းစာများကို ယူ၍ Target များ ပြည့်မီကျော်လွန်ဖို့ အကောင်းဆုံး စွမ်းဆောင်ရည်များနဲ့ လုပ်ဆောင်ကြစေလိုပါတယ်။ 

ဝန်ထမ်းများအားလုံး ဘေးကင်းလုံခြုံရေးကို ကျွန်တော့် အနေနဲ့ အမြဲအလေးထားလျှက်ရှိပါတယ်။ ဝန်ထမ်းများအနေနဲ့လည်း ပေးအပ်ထားတဲ့ လုပ်ငန်းတာဝန်များအပေါ် တန်ဖိုးထား၍ အာရုံစိုက်ပြီး အကောင်းဆုံး လုပ်ဆောင်သွားကြမယ်လို့ မျှော်လင့်ပါတယ်။ ဝန်ထမ်းများအားလုံး ပျော်ရွှင်ပြီး ကျန်းမာ ကြပါစေ၊ ဘေးကင်းကြပါစေ။