ဧပြီလအတွက် ကိုယ့်ကံကြမ္မာဘယ်လိုရှိလဲကြည့်ရအောင်

Public Relations ဆိုတာဘာလဲ? 

Public Relations ဆိုတာက အများပြည်သူဆက်ဆံရေး လို့ ဘာသာပြန်နိုင်ပြီး၊ အဖွဲ့အစည်း (company, organization) သို့မဟုတ် ပုဂ္ဂိုလ်တစ်ဦး ရဲ့ ဂုဏ်သတင်း (reputation) ကို စီမံခန့်ခွဲခြင်းနှင့် တည်ဆောက်ခြင်း လုပ်ငန်းဖြစ်ပါတယ်။ တစ်နည်းအားဖြင့်ဆိုရလျှင် လူတစ်ဦးနဲ့ သက်ဆိုင်ရာ ပြည်သူတွေ (သတင်းမီဒီယာ၊ စားသုံးသူ၊ ရင်းနှီးမြှုပ်နှံသူ၊ အလုပ်သမား၊ အစိုးရ) အကြား ကောင်းမွန်တဲ့ ဆက်ဆံရေး တည်ဆောက်ခြင်း ဖြစ်ပါတယ်။ 

PR ရဲ့ အဓိက ရည်ရွယ်ချက်က ယုံကြည်မှု၊ ဂုဏ်သတင်း နဲ့ အပြုသဘော ဆက်သွယ်မှု တိုးမြှင့်ဖို့လို့ဆိုလိုနိုင်ပါတယ်။တခြားရည်ရွယ်ချက်များစွာကိုလဲ ထည့်သွင်းပြောကြားနိုင်ပါတယ်။ အဖွဲ့အစည်း/ပုဂ္ဂိုလ်၏ ဂုဏ်သတင်းကောင်းမွန်မှုကို တည်ဆောက်ခြင်း၊ မီဒီယာ (TV, Newspaper, Social Media) တွင် အသားပေးသတင်းများ ထုတ်ပြန်ခြင်း၊ စားသုံးသူများ၊ ရင်းနှီးမြှုပ်နှံသူများနဲ့ ယုံကြည်မှု တည်ဆောက်ခြင်း၊ (crisis) ကို စီမံခန့်ခွဲခြင်း၊ အစိုးရနှင့် လူမှုအသိုင်းအဝိုင်းများနှင့် သင့်လျော်သော ဆက်ဆံရေးထားခြင်း တို့ဟာလဲ PRရဲ့ အဓိကရည်ရွယ်ချက်များတွင် ပါ၀င်ပါတယ်။ 

PR ၏ အဓိက အခန်းကဏ္ဍများကိုဖော်ပြရလျှင် 

(၁) Reputation Management (ကုမ္ပဏီ (သို့) လူတစ်ဦးရဲ့ အမြင်ကို ကောင်းအောင် လုပ်ဆောင်ခြင်း၊ ဆိုးရွားတဲ့ သတင်းတွေကို ထိန်းသိမ်းကုစားခြင်း။ ) 

(၂) Media Relations (သတင်းထောက်တွေ၊ မဂ္ဂဇင်းတွေနဲ့ ပူးပေါင်းပြီး အကောင်းမြင် သတင်းဖော်ပြခြင်း။) 

(၃) Crisis Management (ပြဿနာ ဖြစ်ပွားပါက အမြန်ဆုံး တုံ့ပြန်ဖြေရှင်းခြင်း၊ ဥပမာ- ထုတ်ကုန် အရည်အသွေးနှင့် အခြားသောပြဿနာများဖြစ်ပွားလျှင် ပြန်လည်ရုပ်သိမ်းပြီး တောင်းပန်ခြင်းနှင့် အလျော်ပေးလျော်ခြင်းတို့အားလုပ်ဆောင်ခြင်း) 

(၄) Internal Communications (မိမိအဖွဲ့အစည်းအတွင်းတွင် သတင်းအချက်အလက်များအား မျှ၀ေခြင်း) 

(၅) CSR - Corporate Social Responsibility (လူမှုအကျိုးပြု လှုပ်ရှားမှုအစီအစဥ်များ ပြုလုပ်ဖော်ဆောင်ခြင်း (ဥပမာ - ပညာရေး၊ ကျန်းမာရေး အထောက်အပံ့ပေးခြင်း) တို့ပဲဖြစ်ပါတယ်။ 

PRသည် Marketing ကဲ့သို့သောသဘောတရားနှင့်ဆင်တူသယောင်လဲရှိပါတယ်။ သို့ပေမယ့်ကွဲပြားခြားနားမှု၀ိသေသများကိုပြောရမည်ဆိုလျှင် PR က အများပြည်သူနှင့် ယုံကြည်မှု တည်ဆောက်ခြင်း အဓိကဖြစ်ပါတယ်။ Marketing က ထုတ်ကုန် (Product) & ဝန်ဆောင်မှု (Service) ရောင်းအားမြှင့်တင်ခြင်း အဓိကဖြစ်ပါတယ်။ PR လုပ်ငန်းတွင် အလုပ်လုပ်လိုပါကလည်း PR Agency / ကုမ္ပဏီများတွင် PR Officer အဖြစ် စတင်နိုင်သလို သတင်းထောက်၊ ဆက်သွယ်ရေး အရာရှိ၊ Social Media Manager၊ Public Relationship Manager အစရှိတဲ့ အလုပ်အကိုင်များဖြင့်လည်း အသက်မွေး၀မ်းကြောင်းပြုနိုင်ပါတယ်။  

အချုပ်အားဖြင့်ဆိုရသော် PR သည် အဖွဲ့အစည်းတစ်ခု၏ ရှင်သန်မှုအတွက် မဖြစ်မနေလိုအပ်သော အစိတ်အပိုင်းတစ်ခု ဖြစ်ပြီး၊ မလိုလားအပ်သော သတင်းများကို ဖြေရှင်းနိုင်စွမ်းရှိရုံသာမက လူမှုအသိုင်းအဝိုင်းထဲတွင် ကောင်းမွန်သော ချိတ်ဆက်မှု (good connections)များ တည်ဆောက်ပေးနိုင်တဲ့ လုပ်ငန်းတစ်ခု ဖြစ်ပါတယ်။ လူမှုအသိုင်းအဝိုင်း၊ မီဒီယာနှင့် ကောင်းမွန်သော ဆက်ဆံရေး တည်ဆောက်ခြင်းဖြစ်ပြီး စီးပွားရေး အောင်မြင်မှုအတွက်လည်း အလွန်အရေးကြီးပါကြောင်းမျှ၀ေရင်းနိဂုံးချုပ်လိုက်ရပါသည်။ 

 Kyaw Pyae Sone 

 Admin Officer 

 HR & Admin Division _HQ