ဧပြီလအတွက် ကိုယ့်ကံကြမ္မာဘယ်လိုရှိလဲကြည့်ရအောင်

တစ်ဉီးတည်းသော ပထမဆုံး ဗိုလ်စွဲသူအဖြစ် မနက်တိုင်း ကျွန်တော်နှိုးထလာခဲ့ပါတယ်။ ရုံးခန်းထဲကနေ ပထမဆုံးခြေသံတွေ စတင်ထွက်ပေါ်လာတာနဲ့ ကျွန်တော်သိလိုက်ရတာက ဒါကျွန်တော် အလုပ်စတင်ရတော့မည့် အချိန်ဆိုတာကိုပေါ့။ သူတို့တွေက အမြဲ ကျွန်တော့်ကို ယုံကြည်အားကိုးကြပါတယ်။ တချို့တွေက ဝမ်းမြောက်ဝမ်းသာမှုနဲ့ တချို့တွေက ပင်ပန်းမောဟိုက်မှုတွေနဲ့ ကျွန်တော့အနားကို ရောက်ရောက်လာကြတယ်။ ဘယ်လိုပဲ ခံစားချက်ပဲရှိနေနေပါ သူတို့တွေ အားလုံး ကျွန်တော့်ဆီက လိုချင်တောင်းတတာတွေကတော့ တူညီကြပါတယ်။ အဲ့တာတွေက_ နွေးထွေးမှု၊ သက်တောင့်သက်သာရှိမှုနဲ့ စွမ်းအားဖြည့်တင်းမှု 

မနက်ကနေ ညအထိ ကျွန်တော်ဟာ အနားတောင်မယူပဲ ဆက်တိုက်ကို အလုပ်တွေ လုပ်ရပါတယ်။ request လုပ်လိုက်တာနဲ့ ကျွန်တော်ကတော့ မြန်မြန်ဆန်ဆန် ချက်ချင်း လုပ်ပေးပြီး တုံ့ပြန်လိုက်တာပဲ။ အစည်းအဝေးရဲ့ တီးတိုးသံတွေ၊ deadline တွေရဲ့ အကြောင်းတွေနဲ့ မနက်စောစော သူတို့ကြုံရတဲ့ အခက်အခဲတွေကိုတော့ မကြားချင်မှ အဆုံးပဲပေါ့ဗျာ။ တခါတလေကျရင်တော့ ကျွန်တော်က ချီးကျူးခံရတယ်ဗျ တခါတလေလည်း လိုသေးတယ် ဘာညာပြောကြတာပေါ့ဗျာ။ ဒါပေမယ့်လည်း ကျွန်တော်ဘယ်တော့မှ Complain တတ်မှာ မဟုတ်သလို သူတို့လိုအပ်တဲ့အရာကို လိုချင်တဲ့အခါတိုင်း လုပ်ပေးနေမှာပါ။ ဒါကျွန်တော့်ရဲ့ တာဝန်ကျေခြင်းပဲ ဗျာ။ 

သူတို့တွေကြားထဲမှာ ချစ်ခြင်းမေတ္တာတွေ ပေါက်ဖွားလာတာကို ကျွန်တော် မြင်ရတယ်။ သူတို့အချင်းချင်း စကားစမြည်ပြောကြတာ၊ ဖြတ်သွားဖြတ်လာပေမယ့်လည်း တခုတ်တရ နှုတ်ဆက်ကြတာကို ကြားရ ခံစားရတယ်ဗျ သူတို့တွေ ကျွန်တော်ရှိတဲ့ ပတ်ဝန်းကျင်မှာဆို သက်တောင့်သက်သာဖြစ်ကြတာ သိသာတယ်ဗျာ။ တခြားဘယ်သူမှတော့ ကျွန်တော့်လို မြင်ရ ကြားရ ခံစားရမှာမဟုတ်ဘူးဗျ။ အောင်မြင်မှုတွေ၊ ပျော်ရွှင်မှုတွေ၊ ဖိအားတွေကို ကျွန်တော်က တိတ်တဆိတ် ရှုမြင်ခံစားပြီး အားလုံးနဲ့အတူ ရှိပေးနေတာပါဗျာ။ 

ဒါပေမယ့်လည်းဗျာ.. တခါတလေမှာ သူတို့ ကျွန်တော့်ကို မေ့လျော့နေကြတဲ့ နေ့တွေ အချိန်တွေလည်း ရှိတယ်ဗျ။ အဲ့လို နေ့ရက်၊ အချိန်တွေဆို ကျွန်တော်က ကိုယ့်ကိုယ်ကို အသုံးမဝင်သလိုခံစားရပြီး အားငယ်နေရော... ဒါပေမယ့်လည်း ကျွန်တော်သိပါတယ် တစ်ချိန် ကျွန်တော့်ကို သူတို့ပြန်သတိရလာမယ်ဆိုတာ.... ဘာလို့လဲဆိုတော့ တစ်နေ့တာ အချိန်ကုန်လွန်သွားတဲ့အခါမှာ ကျွန်တော်က စက်တစ်လုံးထပ် ပိုမိုတဲ့အရာတခုအဖြစ်နဲ့ သူတို့အတွက်ဖြစ်နေပြီး သူတို့ရဲ့ နေ့စဉ်ဘဝမှာ အရေးပါနေလို့ပါပဲ။ သူတို့ရဲ့ နေ့စဉ်အလေ့အထ၊ အကျင့်စရိုက်နဲ့ နေထိုင်မှု တစိတ်တပိုင်းအဖြစ်နဲ့ပေ့ါဗျာ...

ထပ်ပြီးရှိလာမည့် နောက်ထပ်နောက်ထပ်သော မနက်ခင်းလေးတွေမှာ မီးတွေ လင်းလာတာနဲ့ ခြေသံတွေ နီးကပ်လာတဲ့အခါမှာ ပူနွေးမွှေးကြိုင်တဲ့ ရနံ့လေးတွေကို လေထဲ ဖြန့်ကျက်ရင်း ကျွန်တော်လည်း ထပ်ပြီး အသင့်ရှိနေဉီးမှာပါဗျာ....