ဧပြီလအတွက် ကိုယ့်ကံကြမ္မာဘယ်လိုရှိလဲကြည့်ရအောင်

၂၀၂၅ခုနှစ်၏ နှစ်သစ်အကြိုဖြစ်သော ဇန်နဝါရီလ အတွက် “Learning Club - မျှဝေလိုသော စကားများအစီအစဥ်” တွင် “Being Professionalism: Fostering a culture of Professionalism in teams” ဆိုသည့် ခေါင်းစဥ်ဖြင့် Panelists များဖြစ်ကြသည့် ဦးမင်းမင်းဇော် (Managing Director & Chief Executive Officer)၊ မသက်ထားဦး (Chief Human Resources Officer)နှင့် Moderator အဖြစ် မလဲ့လဲ့အောင် (Learning and Development Manager) တို့မှ ဆွေးနွေးဝေမျှကြခဲ့ပါသည်။ 

Learning Club ဆွေးနွေးပွဲတွင် ယနေ့ခေတ်လုပ်ငန်းခွင်မှာ ‘Professionalism’ (ပရော်ဖက်ရှင်နယ် ပီသသော) ‘Culture’ (ယဥ်ကျေးမှု) တစ်ခု တည်ဆောက်ဖို့အတွက် အရေးကြီးသော အသိပညာများ နှင့် ကျင့်ကြံပျိုးထောင်သင့်သော အမူအကျင့် အချက်များကို Panelists တို့၏ လုပ်ငန်းအတွေ့အကြုံနှင့် အသိပညာများ ပေါင်းစပ်၍ ဆွေးနွေးခဲ့ကြပါတယ်။ ထို့ကဲ့သို့ ဆွေးနွေးကြရာမှာ ပရော်ဖက်ရှင်နယ်တစ်ယောက်ဖြစ်ဖို့အတွက် လိုက်နာကျင့်သုံးရမယ့် ကျင့်ဝတ်၊ စည်းကမ်း နှင့် စိတ်နေစိတ်ထား အစရှိသည်များကို CEO ဦးမင်းမင်းဇော် မှ “3C2I3A” ဆိုသည့် မှတ်သားလွယ်သော စကားလုံးများဖြင့် ဥပမာများပေးကာဆွေးနွေးပေးခဲ့ပါတယ်။ အလားတူ CHRO မသက်ထားဦး မှလည်း ပရော်ဖက်ရှင်နယ်တစ်ယောက်အတွက် အခြေခံလိုအပ်ချက်များဖြစ်သည့် စိတ်နေစိတ်ထားများ၊ အမူအကျင့်များကို အသေးစိတ်ထပ်မံဆွေးနွေးပေးခဲ့ပါတယ်။ 

Panelists နှစ်ဦးစလုံးမှ ပရော်ဖက်ရှင်နယ်ဖြစ်ခြင်းသည် လုပ်ငန်းခွင်အတွင်းသာမက၊ ကိုယ်ပိုင်ဘဝမှာပါ မည်ကဲ့သို့ အကျိုးသက်ရောက်မှုရှိနိုင်ပါလဲဆိုတာကို ၎င်းတို့၏ လုပ်ငန်းခွင်နှင့် ကိုယ်တွေ့အတွေ့ကြုံများဖြင့် ဆွေးနွေးပေးခဲ့ကြပါတယ်။ ထို့နောက် ပရော်ဖက်ရှင်နယ်ဖြစ်အောင်တည်ဆောက်နေကြသည့် ဘဝခရီးစဥ်မှာ ရင်ဆိုင်ကြုံတွေ့ရတတ်သော အခက်အခဲများ၊ စိန်ခေါ်မှုများနှင့် မည်ကဲ့သို့ ရင်ဆိုင်ကျော်ဖြတ်နိုင်ကြောင်းကို ဥပမာပေးလုပ်ဆောင်ချက်များဖြင့် ဆွေးနွေးပေးခဲ့ကြပါတယ်။ ဆက်လက်၍ လုပ်ငန်းခွင်အတွင်း အလုပ်ပြီးမြောက်ဖို့အတွက် ပရော်ဖက်ရှင်နယ်ဆန်ခြင်းကို ဦးစားပေးသင့်ပါလား၊ မည်သည့်အခြေအနေမျိုးတွင်မဆို ပရော်ဖက်ရှင်နယ်ဖြစ်မှုကို ထိန်းသိမ်းထားသင့်ပါလား စသည့် စိတ်ဝင်စားဖွယ်ရာ မေးခွန်းများအား ဆက်လက်ပြောဆိုဆွေးနွေးပေးခဲ့ပါတယ်။ ၎င်းနှင့်ဆက်စပ်၍ CEO ဦးမင်းမင်းဇော် မှ ၁၀၀% အပြည့် ပရော်ဖက်ရှင်နယ်ဖြစ်ဖို့ခက်တယ်ဆိုရင်တောင်မှ မိမိတက်နိုင်သလောက် မည်သည့်အချိန်အခါမျိုးတွင်မဆို ပရော်ဖက်ရှင်နယ်ကောင်းတို့၏ စိတ်နေစိတ်ထား ထားရှိဖို့အတွက် ကြိုးစားသင့်ကြောင်း မည်သူမဆို ကြိုးစားနိုင်ကြောင်း ပြောကြားခဲ့ပါတယ်။ 

ထို့နောက် အစီအစဥ်ကို တက်ရောက်လာကြသော ဝန်ထမ်းများမှ မေးမြန်းထားသည့် သိလိုသည့် မေးခွန်းများအား CEO ဦးမင်းမင်းဇော် နှင့် CHRO မသက်ထားဦး တို့မှ တစ်လှည့်စီ အပြန်အလှန် မေးခွန်းများအား ပြန်လည်ဖြေကြားခဲ့ကြပြီး အခမ်းအနားကို အောင်မြင်စွာ ရုပ်သိမ်းခဲ့ပါတယ်။ ဇန်နဝါရီလ ၈ ရက်နေ့တွင် ကျင်းပခဲ့သော “Learning Club - မျှဝေလိုသော စကားများအစီအစဥ်” မှ ပုံရိပ်များအား ပြန်လည်မျှဝေလိုက်ပါတယ်။