ဧပြီလအတွက် ကိုယ့်ကံကြမ္မာဘယ်လိုရှိလဲကြည့်ရအောင်

• အင်အားပြင်းငလျင်ကြောင့် ထိခိုက်ခံစားရသူများအား အမြန်ဆုံးပြန်လည်ထူထောင်ရေးနှင့် ကူညီပံ့ပိုးပေးနိုင်ရန်အတွက် အရေးပေါ်ကူညီမှုငွေများ ပေးအပ်ခဲ့ 
• တစ်ကမ္ဘာလုံးမှာရှိတဲ့ လူသားတွေရဲ့ ထိခိုက်နာကျင်မှုတွေကို စာနာစိတ်ဖြင့် လူသားချင်းစာနာထောက်ထားမှုဆိုင်ရာ ကြိုးပမ်းချက်များတွင် တက်ကြွစွာပါဝင်ခြင်းသည် စစ်မှန်သော Global ESG ကတိကဝတ်ကို ပြသခြင်းဖြစ်
• ဥက္ကဋ္ဌ Ham Young-joo မှ "ကမ္ဘာ့လူမှုအသိုင်းအဝိုင်းရဲ့ အဖွဲ့ဝင်အနေဖြင့် မြန်မာနိုင်ငံ ပြည်သူများရဲ့ နေ့စဉ်ဘဝကို တတ်နိုင်သလောက် မြန်မြန်ဆန်ဆန် ပြန်လည်ထူထောင်နိုင်ရန် အတူတကွ ရပ်တည်ကူညီသွားပါမယ်"ဟု ပြောကြားခဲ့ပါသည်။ 

ထို့ကြောင့် Hana Financial Group ဥက္ကဋ္ဌ Ham Young-joo သည် မြန်မာနိုင်ငံရှိ ပြင်းထန်သော ငလျင်ဒဏ်ခံစားရသော ဒေသများ၏ ပြန်လည်ထူထောင်ရေးနှင့် အိုးမဲ့အိမ်မဲ့ဖြစ်နေသူများအား ကူညီရန်အတွက် အမေရိကန်ဒေါ်လာ ၇၀,၀၀၀ နီးပါး ကို အရေးပေါ်ကူညီမှုအဖြစ် ထောက်ပံ့မည်ဟု မတ်လ ၂၈ ရက်နေ့တွင် ကြေညာခဲ့ပါသည်။ 

ဤအရေးပေါ်ကူညီမှုသည် Hana Financial Group ၏ လူသားချင်းစာနာထောက်ထားမှုဆိုင်ရာ ကတိကဝတ်ကို ထင်ဟပ်စေပြီး၊ မျှော်မှန်းမထားသော သဘာဝဘေးအန္တရာယ်ကြောင့် ထိခိုက်ခံစားရသည့် ကမ္ဘာ့နိုင်ငံသားများ၏ ဝမ်းနည်းမှုကို နားလည်ခံစားကာ Global ESG စီမံခန့်ခွဲမှုတွင် တက်ကြွစွာ ပါဝင်ကူညီခြင်းဖြစ်ပါသည်။

ထိုထောက်ပံ့ငွေများကို ကိုရီးယားကြက်ခြေနီအသင်းမှတစ်ဆင့် ပေးအပ်မည်ဖြစ်ပြီး၊ အကူညီလိုအပ်သူများအတွက် အစားအစာ၊ ဆေးဝါးနှင့် နေ့စဉ်လိုအပ်သည့်ပစ္စည်းများ အပါအဝင် အရေးပေါ်လိုအပ်ချက်များကို ဖြည့်ဆည်းပေးမည်ဖြစ်ပါသည်။ ဒါ့အပြင် ယာယီခိုလှုံရန်နေရာများ ပြင်ဆင်ခြင်းနှင့် ကလေးများအတွက် ပညာသင်ယူရန် နေရာများ ဖန်တီးပေးရာတွင်လည်း အသုံးပြုသွားပါမည်။ 

ထို့အပြင် Hana Financial Group ၏ မြန်မာနိုင်ငံမှာရှိတဲ့ Hana Microfinance Ltd. ကလည်း ဒေသတွင်းအခြေအနေတွေကို နီးကပ်စွာ စောင့်ကြည့်နေပြီး လိုအပ်ပါက အခြားထောက်ပံ့မှုများကို ဆက်လက်လုပ်ဆောင်သွားဖို့ စီစဉ်ထားပါသည်။ 

ဥက္ကဋ္ဌ Ham Young-joo က "ဒီမျှော်လင့်မထားတဲ့ သဘာဝဘေးအန္တရာယ်ကြောင့် အိုးအိမ်စွန့်ခွာခဲ့ရတဲ့ မြန်မာနိုင်ငံသားများအတွက် ကျွန်တော်အနေနဲ့ လွန်စွာ ဝမ်းနည်း စိတ်မကောင်း ဖြစ်ရပါတယ်။ ကမ္ဘာ့ လူမှုအသိုင်းအဝိုင်းတစ်ခုအနေနဲ့ ရော Hana Financial Group အနေနဲ့ပါ မြန်မြန်ဆန်ဆန် ပုံမှန်လူနေမှုဘဝတွေကို ပြန်လည်ရောက်ရှိနိုင်အောင် ကူညီသွားမှာပါ ဖြစ်ပါတယ်" ဟု ပြောကြားခဲ့ပါသည်။ 

Hana Financial Group ဟာ မြန်မာနိုင်ငံမှာ ယခင်ကတည်းက ESG လုပ်ငန်းများကို ဆောင်ရွက်ခဲ့ပါသည်။ 

• ၂၀၂၃ ခုနှစ်က ဆိုင်ကလုန်း မုန်တိုင်းဒဏ်သင့်ဒေသက ကျောင်းသားတွေကို ကျောင်းသုံးပစ္စည်းများ ပေးအပ်ခြင်း 
• ဝင်ငွေနည်းပါးသော မိသားစုများအား အဝတ်အစား၊ အရုပ်နဲ့ ကျောင်းသုံးပစ္စည်းများ လှူဒါန်းခြင်း 
• ဒေသခံ ကလေးသူငယ်များဆိုင်ရာ အဖွဲ့အစည်းတွေကို ပညာရေးပစ္စည်းတွေ ထောက်ပံ့ပေးအပ်ခြင်း 

ဤလုပ်ဆောင်မှုများဟာ Hana ရဲ့ "အတူတကွ တိုးတက်ဖွံ့ဖြိုးရေး အတွက် Global Finance (Global Finance for Mutual Growth" ဆိုသည့် ရည်မှန်းချက်ကို အကောင်အထည်ဖော်မှုများ ဖြစ်ပါသည်။ 

 သတင်းအရင်းအမြစ် : https://n.news.naver.com/mnews/article/018/0005976720?sid=101bsp;