၂၀၂၅ ခုနှစ်၏ မတ်လ “Learning Club- မျှဝေလိုသောစကားများ” အစီအစဥ်အား အောင်မြင်စွာကျင်းပပြုလုပ်ခဲ့

မတ်လ (၂၅) ရက်နေ့တွင် ကျင်းပခဲ့သည့် “AI in the Workplace: Exploring AI for Business Success“ခေါင်းစဉ်နှင့် "Learning Club- မျှဝေလိုသောစကားများ” အစီအစဥ်အားကျင်းပခဲ့ပြီး Panelist များအဖြစ် Mr. Aung Zaw Latt (Deputy Chief Technology Officer), Mr. Aung Myo Linn (Head of Automation), Mr. Thiha Maung Maung (Head of Data Analytics) နှင့် Moderator အဖြစ် Mrs.Lae Lae Aung (Learning & Development Manager) တို့မှဆောင်ရွက်ခဲ့ကြပါတယ်။ အဆိုပါဆွေးနွေးပွဲအား ရုံးချုပ်မှ လူကိုယ်တိုင်တက်ရောက်သူ (၆၁)ယောက်၊ ရုံးခွဲများမှ တက်ရောက်သူ (၃၇) ယောက်နှင့် စုစုပေါင်း (၉၈) ယောက် တက်ရောက်နားထောင်ခဲ့ကြပါတယ်။

အဆိုပါဆွေးနွေးပွဲတွင်

AI ဖြစ်ပေါ်လာပုံနှင့် AI Tools များ အကြောင်း ကိုအောင်ဇော်လတ်မှ AI နည်းပညာ၏ အစသည် စက်ပစ္စည်းများသည် ကိုယ့်ဘာသာ တွေးခေါ်သင်ယူနိုင်သလားဆိုတဲ့ အယူအဆ သီအိုရီကို ၁၉၅၀ ခန့်တွင် စတင်စဉ်းစားခဲ့ကြပြီး ထို့မှ တဆင့် အဆင့်ဆင့်ပြောင်းလဲလာခဲ့သည့်အကြောင်း
လုပ်ငန်းခွင်အတွက် productivity ပိုမိုကောင်းမွန်စေရန် အသုံးပြုနိုင်သည့် AI Tools များနှင့် ၎င်းတို့ကို မည်ကဲ့သို့လက်တွေ့အသုံးချနိုင်ကြောင်းတို့အား ကိုသီဟမောင်မောင်မှ အသေးစိတ်ရှင်းလင်းပြောကြားခဲ့ပြီး ကိုအောင်မျိုးလင်းမှ AI ၏ Performance သည် မည်မျှအထိပြောင်းလဲတိုးတက်နေသည်ကို အားသာချက်၊ အားနည်းချက်များနှင့်အတူ AI tools အချို့ကို လက်တွေ့အသုံးပြုပြ ပီး သုံးသပ်ဆွေးနွေးခဲ့ပါသည်။
ထိုသို့ AI များနှင့် ၎င်းတို့၏ အသုံးပြုနိုင်ပုံများအား ပြောခဲ့ပြီးနောက် AI အားလက်တွေ့အသုံးချသည့်အခါတွင် ကြုံတွေ့နိုင်သည့် Challenges များနှင့် ကြိုတင်ပြင်ဆင်ထားရမည့်အချက်များကိုဆွေးနွေးခဲ့ကြပါသည်။
လက်ရှိတွင် ကုမ္ပဏီအနေဖြင့် တိုးတက်နေသည့် နည်းပညာခေတ်နှင့် အညီ ဆောင်ရွက်ရန် ကြိုးစားနေသလို ဝန်ထမ်းများ အနေဖြင့်လည်း မိမိ၏ နေ့စဉ်ဘဝ နှင့် လုပ်ငန်းခွင်အတွက် အလုပ်များ ပိုမိုတွင်ကျယ်လာအောင် AI များကို အကျိုးရှိစွာ အသုံးချသင့်ကြောင်း အကြံပြု ပြောကြားခဲ့ကြပြီး တက်ရောက်လာသူများမှလည်း AI နည်းပညာဆိုင်ရာ အကြောင်းအရာများကို အပြန်အလှန် ဆွေးနွေးဖလှယ်ခဲ့ကြပါတယ်။

နောက်ဆုံးအနေဖြင့် CEO မှ ယခုလိုအကျိုးရှိသည့်အကြောင်းအရာများအား မျှဝေပေးသည့်အတွက် ကျေးဇူးတင်ရှိကြောင်းနှင့် ယှဥ်ပြိုင်မှုပြင်းထန်သည့် ယနေ့ခေတ်တွင် ခေတ်နှင့်အညီ အမီလိုက်နိုင်ရန်လိုအပ်ပြီး ဟာနာသည် Digital Pioneer အဖြစ်ဖော်ဆောင်နေသည့်အတွက် နည်းပညာ အခန်းကဏ္ဍသည် အရေးကြီးကြောင်း ပြောကြားခဲ့ပါတယ်။ ထို့နောက် အခုလို Learning Club များ ပုံမှန်ကျင်းပပေးခြင်း နှင့် ဝန်ထမ်းများ စိတ်ဝင်တစားတက်ရောက်ကြခြင်းအတွက် ကျေးဇူးတင်ရှိကြောင်းပြောကြားခဲ့ပြီး အစီအစဥ်အား အောင်မြင်စွာ ရုတ်သိမ်းခဲ့ပါတယ်။