HMF's internal News

Top News

ယခုတစ်လအတွက် Management ၏ ပြောစကား (3 February 2025)

Message From Mr. Chang Won Suk (Deputy Managing Director & Chief Strategy Officer)

မင်္ဂလာပါ လုပ်ဖော်ကိုင်ဖက်များခင်ဗျား~ 

ကိုဗစ်နဲ့ နိုင်ငံရေးအကျပ်အတည်းတွေကြောင့် နှစ်ပေါင်းများစွာ ယခင်က မကြုံဖူးတဲ့ အခက်အခဲတွေကို ကျွန်တော်တို့ ဖြတ်သန်းခဲ့ရပါတယ်။ ဟာနာဝန်ထမ်းများရဲ့ စဉ်ဆက်မပြတ် ကြိုးပမ်းအားထုတ်မှုတွေကြောင့် ဒီနှစ်ကစပြီး ကျွန်တော်တို့ကုမ္ပဏီဟာ မှောင်မိုက်တဲ့ အချိန်ကာလထဲကနေ ထွက်လာနိုင်တော့မယ်လို့ ကျွန်တော်ထင်ပါတယ်။ 

 ၂၀၂၄ခုနှစ်မှာ ကျွန်တော်တို့ ဖြတ်သန်းခဲ့တာတွေကို ပြန်ကြည့်ရင် နိုဝင်ဘာလကနေစပြီး လစဉ်အရှုံးကနေ အမြတ်ရရှိလာခြင်း၊ PAR လျှော့ချနိုင်ခြင်း၊ ကုမ္ပဏီတွင်း ဖြစ်ရပ်များနဲ့ လိမ်လည်မှုကိစ္စရပ်များ လျော့နည်းလာခြင်း၊ CSR ဆုရရှိခြင်း စတဲ့ အောင်မြင်မှုတွေ ရရှိခဲ့ပါတယ်။ 

သို့သော် ယခင်ကလို ဟာနာမိုက်ခရိုဖိုင်နန်စ်ကို ထူးချွန်ထက်မြက်အောင် ပြန်လည်တည်ဆောက်ဖို့ "တစ်စိတ်တစ်ဝမ်းတည်း တစ်သင်းတည်း" ဆိုတဲ့ စိတ်ဓာတ်နဲ့ ဆက်လက်ကြိုးစားရဦးမှာ ဖြစ်ပါတယ်။ ကျွန်တော်တို့ Hana Microfinance အနေနဲ့ ကုမ္ပဏီယဉ်ကျေးမှုကို စဉ်ဆက်မပြတ် ပြောင်းလဲဖို့အတွက် "စည်းစနစ်ကျတဲ့ လုပ်ငန်းစွမ်းဆောင်ရည်" ကို အလုပ်တိုင်းမှာ အသုံးပြုနိုင်ဖို့ ပိုမိုပူးပေါင်းဆောင်ရွက်ခြင်းနဲ့ အကောင်းဆုံးကြိုးပမ်းမှုတွေ လိုအပ်ပါတယ်။ 

ဒီနှစ်အတွက်တောင်မှ ရာသီဥတုက အမြဲတမ်း ကောင်းမွန်နေမှာ မဟုတ်ပါဘူး။ ဒါကြောင့် ကျွန်တော်တို့ရဲ့ အဓိက ယှဉ်ပြိုင်နိုင်စွမ်းကို ခိုင်မာအောင်လုပ်ဆောင်ခြင်းနဲ့ မြှင့်တင်ခြင်း၊ အသင်းသား များအား ပိုမို ချဲ့ထွင် ရှာဖွေခြင်း၊ သေချာတဲ့ risk management ကို အကောင်အထည်ဖော်ခြင်း၊ တင်းကျပ်တဲ့ ကုမ္ပဏီတွင်း ထိန်းချုပ်မှုတွေ ပြုလုပ်ခြင်း၊ နဲ့ ထိရောက်တဲ့ ကုန်ကျစရိတ် စီမံခန့်ခွဲမှုတွေ လုပ်ဆောင်ခြင်းတွေဟာ ကျွန်တော်တို့ရဲ့ အခြေခံအုတ်မြစ်ကို ပိုမိုခိုင်မာအောင် လုပ်ဆောင်ရာမှာ အရေးကြီးပါတယ်။ တိုတောင်းတဲ့ကာလမှာ မြန်မြန်ဆန်ဆန် အပြောင်းအလဲလုပ်ဖို့ ခက်ခဲနိုင်ပေမယ့် ရေရှည်မှာ ရလဒ်ကောင်းတွေ ထွက်ပေါ်လာစေမယ့် ရေရှည်တည်တံ့တဲ့ ဖွဲ့စည်းပုံနဲ့ စနစ်တွေကို တည်ဆောက်ဖို့က ပိုအရေးကြီးပါတယ်။ 

ဒီနေရာက ဟာနာယဉ်ကျေးမှုကို ကျွန်တော်ယုံကြည်ပါတယ်။ "တစ်စုတစည်းတည်း (Hana)ဖြစ်နေရင် ၊ ကျွန်တော်တို့အားလုံး လုပ်နိုင်ပါတယ်" ဒါကြောင့် ကျွန်တော်တို့ အတူတကွ တိုးတက်ကြပြီး ပျော်ရွှင်မှုတွေကိုလည်း အတူတကွ မျှဝေကြရအောင်!

Post a Comment

Previous Post Next Post