Message From Mr. Byungseo Yoo (Chief Financial Officer)
မင်္ဂလာပါ ဟာနာလုပ်ဖော်ကိုင်ဖက်များခင်ဗျား
၂၀၂၅ ခုနှစ်ရဲ့ ၆ပုံ ၁ပုံ ကုန်ဆုံးသွားပါပြီ။ ကျွန်တော်တို့ အကြိမ်ကြိမ် အလေးပေးပြောကြားခဲ့သလိုပဲ ဒီနှစ်ဟာ Hana လုပ်ငန်းသမိုင်းမှာ အရေးအကြီးဆုံး နှစ်တစ်နှစ် ဖြစ်ပါတယ်။ ကျွန်တော်တို့ဟာ ကုမ္ပဏီကြီးတစ်ခုအဖြစ် ဆက်လက်ကြီးထွားမလား၊ သာမန်ကုမ္ပဏီတစ်ခုအနေနဲ့ပဲ ရပ်တည်နေမလားဆိုတာကို ဆုံးဖြတ်မယ့်နှစ် ဖြစ်ပါတယ်။ ဒါဟာ ကျွန်တော်တို့ ကုမ္ပဏီအတွက်သာမက Hana Financial Group ရဲ့ နိုင်ငံတကာ လုပ်ငန်းခွဲတွေအားလုံးအတွက်လည်း အရေးကြီးပါတယ်။ ဒါကြောင့် Hana Financial Group က ဒီနှစ်မှာ ချမှတ်ထားတဲ့ အဓိက ဦးစားပေးအချက် သုံးချက်ကို မျှဝေလိုပါတယ်။
ပထမအချက်၊ စွမ်းဆောင်ရည်ကို အခြေခံတဲ့ ယဉ်ကျေးမှု တည်ဆောက်ခြင်း
Hana Financial Group ရဲ့ အောင်မြင်မှုကြီးဟာ စွမ်းဆောင်ရည်ကို ဦးတည်တဲ့ ယဉ်ကျေးမှုအပေါ် အခြေခံပါတယ်။ ဒီယဉ်ကျေးမှုဟာ ကိုရီးယားမှာ ကောင်းစွာ အခြေတည်ပြီး တိုးတက်မှုအတွက် အဓိက မောင်းနှင်အားဖြစ်နေပေမယ့် မြန်မာအပါအဝင် နိုင်ငံတကာ လုပ်ငန်းခွဲတွေမှာတော့ စတင်ကျင့်သုံးခါစ အဆင့်မှာပဲ ရှိပါသေးတယ်။ Hana Financial Group ရဲ့ အားကောင်းတဲ့ လက်အောက်ခံကုမ္ပဏီတစ်ခု ဖြစ်လာဖို့ စစ်မှန်တဲ့ စွမ်းဆောင်ရည်-ဦးတည် ယဉ်ကျေးမှုကို အမြန်ဆုံး တည်ဆောက်ရပါမယ်။ လက်ရှိမှာ ကျွန်တော်တို့ဟာ အုပ်စုအတွင်း အနိမ့်ဆုံးအဆင့်မှာ ရှိနေပြီး ဒါဟာ ကျွန်တော်တို့ ကျော်လွှားရမယ့် အရေးကြီးတဲ့ စိန်ခေါ်မှုတစ်ခု ဖြစ်ပါတယ်။
ဒုတိယအချက်၊ မြေပြင် (field) ဗဟိုပြုတဲ့ ယဉ်ကျေးမှုကို အားကောင်းစေခြင်း
Hana ရဲ့ အမှတ်တံဆိပ်ကို ဖော်ပြတဲ့ ထူးခြားချက်တစ်ခုရှိရင် အဲဒါက ကွင်းဆင်းလုပ်ငန်းတွေအပေါ် အလေးပေးမှုပဲ ဖြစ်ပါတယ်။ အရင်က မျှဝေခဲ့သလိုပဲ Hana Financial Group ရဲ့ ဥက္ကဌ၊ Hana Capital ရဲ့ CEO နဲ့ ဟာနာဘဏ်ရဲ့ ဥက္ကဌတို့ အားလုံးဟာ ကွင်းဆင်းလုပ်ငန်း အတွေ့အကြုံရှိသူတွေ ဖြစ်ပါတယ်။ ကျွန်တော်တို့ရဲ့ CEO ဦးမင်းမင်းဇော်လည်း ကွင်းဆင်းလုပ်ငန်း အတွေ့အကြုံရှိသူပါပဲ။ ကွင်းဆင်းလုပ်ငန်းတွေဟာ ကျွန်တော်တို့ရဲ့ ထိပ်တန်းဦးစားပေး ဖြစ်သင့်ပါတယ်။ ဝန်ထမ်းတိုင်းဟာ ဘဏ်ခွဲတွေကို ပံ့ပိုးပေးသင့်ပြီး သူတို့အနေနဲ့ မလိုအပ်တဲ့ ဝန်ထုပ်ဝန်ပိုးတွေ မရှိဘဲ လုပ်ငန်းတွေကိုပဲ အာရုံစိုက်နိုင်အောင် လုပ်ဆောင်ပေးရပါမယ်။
နောက်ဆုံးအချက်၊ အသင်းသားများအပေါ် ကျေးဇူးတင်စိတ် အပြည့်အဝထားရှိခြင်း
ကျွန်တော်တို့ရဲ့ အသင်းသားတွေကြောင့်သာ ကျွန်တော်တို့ဟာ Hana လုပ်ငန်းမှာ လစာရရှိပြီး အလုပ်အကိုင်တွေ ရှိနေကြတာပါ။ သူတို့ဟာ ကျွန်တော်တို့ အလုပ်ရဲ့ အခြေခံအုတ်မြစ်ပါ။ "ကျွန်တော်တို့ဟာ အသင်းသားတွေအပေါ် တကယ်ကို ကျေးဇူးတင်ကြရဲ့လား" ဆိုတာကို ကိုယ့်ကိုယ်ကို မေးကြည့်ရပါမယ်။ ဒါကို ပြန်လည်သုံးသပ်ကြပြီး အသင်းသားတွေကို ကျေးဇူးတင်စိတ်နဲ့ လေးစားမှုအပြည့် ဝန်ဆောင်မှုပေးကြပါစို့။ CFO တစ်ယောက်အနေနဲ့ ကျွန်တော်တို့အားလုံးဟာ မတူညီတဲ့ နောက်ခံ၊ အတွေ့အကြုံနဲ့ ရှုထောင့်တွေက လာကြတာကို နားလည်ပါတယ်။ ဒီကွဲပြားမှုတွေကြောင့် တစ်ယောက်နဲ့တစ်ယောက် နားလည်ဖို့ ခက်ခဲနိုင်တာကို အပြည့်အဝ နားလည်ပါတယ်။ ဒါပေမယ့် ကျွန်တော်တို့ဟာ ဘုံရည်မှန်းချက်တစ်ခုအတွက် အတူတကွ အလုပ်လုပ်ရင်း ဒီကွဲပြားမှုတွေကို လေးစားပြီး လက်ခံကြရပါမယ်။
တစ်ဦးချင်းစီရဲ့ ကွဲပြားမှုတွေကို ကျော်လွန်ပြီး ကျွန်တော်တို့အားလုံး Hana Financial Group အဖွဲ့ဝင်တွေဖြစ်တဲ့အတွက် ကျွန်တော်တို့ရဲ့ ရည်မှန်းချက်နဲ့ မျှော်မှန်းချက်၊ တန်ဖိုးထားမှုတွေကို အောင်မြင်အောင် အတူတကွ လုပ်ဆောင်ပြီး အောင်မြင်မှုရလဒ်တွေကို အတူတကွ မျှဝေနိုင်မယ်လို့ မျှော်လင့်ပါတယ်။
ကျွန်တော်တို့ရဲ့ CSO မကြာသေးမီက ပေးပို့ခဲ့တဲ့ သတင်းစကားအတိုင်းပဲ ကျွန်တော့်စကားကို အဆုံးသတ်ပါမယ်။
ဒီမှာရှိတဲ့ Hana ယဉ်ကျေးမှုကို ယုံကြည်ပါတယ်၊ "တစ်စုတစည်းတည်း (Hana)ဖြစ်နေရင် ၊ ကျွန်တော်တို့အားလုံး လုပ်နိုင်ပါတယ်" Let’s Grow Together and Share Happiness Together!
Post a Comment