ဧပြီလအတွက် ကိုယ့်ကံကြမ္မာဘယ်လိုရှိလဲကြည့်ရအောင်

ဇန်နဝါရီလ ၁၇ ရက်နေ့တွင် ပြုလုပ်သော Townhall meeting အား CEO ဦးမင်းမင်းဇော်မှ အဖွင့်နှုတ်ဆက်စကားပြောကြားပြီး Townhall အား စတင်ဖွင့်လှစ်ခဲ့ပါတယ်။ ထို့နောက် ဒီဇင်ဘာလအတွင်း ဟာနာသို့ဝင်ရောက်လာသော ရုံးခွဲအသီးသီးရှိ ဝန်ထမ်းများအား မိတ်ဆက်ခဲ့ပါတယ်။ ၂၀၂၅ နှစ်သစ်ဖြစ်သည်နှင့်အညီ Hana Financial Group CEO Mr. Young Joo Ham နှင့် Hana Capital ၏ CEO Mr.Kim Yong Suk တို့မှ ပေးပို့သော နှစ်သစ်ဆုမွန်ကောင်းအား ရုံးချုပ်နှင့်ရုံးခွဲရှိ ဝန်ထမ်းအားလုံးသို့ CEO မှ ကိုယ်စားပြုဖတ်ပြခဲ့ပါတယ်။

ထို့နောက် CEO မှ ၂၀၂၅ ခုနှစ်တွင် အသစ်ပြင်ဆင်ပြောင်းလဲလိုက်သော ကုမ္ပဏီ၏ မျှော်မှန်းချက်(Vision)၊ ရည်မှန်းချက်များ (Mission)နှင့် စံတန်ဖိုး(Core Values) များအားမိတ်ဆက်ခဲ့ပြီး တစ်ချက်ချင်းစီအား အသေးစိတ်ရှင်းလင်းပြောကြားခဲ့ပါတယ်။ 

ဒီဇင်ဘာလ၏ Best Performing Branch ရရှိသော ရုံးခွဲများမှာ ညောင်တုန်း၊ ရပ်စောက်၊ အိမ်မဲရုံးခွဲများဖြစ်ပါတယ်။ ဒီဇင်ဘာလအတွင်း PAR အလျှော့ချနိုင်ဆုံးရုံးခွဲများမှာ မိုးညှင်း၊ ပေါင်၊ ရမည်းသင်းရုံးခွဲများ ဖြစ်ပါတယ်။ Type B (Top Collection) ဆုရသည့် ရုံးခွဲများမှာ မိုးညှင်း၊ မြင်းခြံ၊ မြစ်ကြီးနား ရုံးခွဲများဖြစ်ပါတယ်။ နှစ်တစ်နှစ်၏ အဆုံးသတ်ဖြစ်သည့် ဒီဇင်ဘာလတွင် ပေးအပ်လေ့ရှိသော Best Branches of the year ဆုရရှိသည့် ရုံးခွဲများမှာ မော်လမြိုင်ကျွန်းရုံးခွဲ၊ စာဗူးတောင်းရုံးခွဲနှင့် လယ်ဝေးရုံးခွဲများဖြစ်ပါတယ်။ ယခုလိုဆုရရှိအောင်ကြိုးစားပေးခဲ့ကြသည့် BM၊ ABM နှင့် ရုံးဝန်ထမ်းများ အားလုံးအား CEO ဦးမင်းမင်းဇော်မှ ချီးကျူးဂုဏ်ပြုစကား ပြောကြားခဲ့ပါတယ်။ 

၎င်းဆုများအပြင် တစ်နှစ်လုံးအတွက် ပေးအပ်သော FO/IFO of the year ဆုရရှိသူများနှင့် ဒီဇင်ဘာလတွင် Write-off Collection အား အကောင်းဆုံး ကောက်ခံနိုင်သည့် ရုံးခွဲအသီးသီးမှ FO/IFO များအား CEO မှ ချီးကျူးဂုဏ်ပြုစကားပြောဆိုခဲ့ပါတယ်။ လအလိုက်မျှဝေစရာကဏ္ဍတွင် CSR လှုပ်ရှားမှုအဖြစ် ပြုလုပ်ခဲ့သော ဟာနာဝန်ထမ်းအားလုံး၏ စုပေါင်းသွေးလှူဒါန်းမှုအား CEO မှ ချစ်စရာကောင်းသော အလေ့အထအဖြစ် မှတ်ချက်ပေးခဲ့ပါတယ်။ ထို့နောက် CEO မှ ဦးဆောင်၍ လအလိုက် Recap Quiz များအား ရုံးချုပ်နှင့် ရုံးခွဲအသီးသီးရှိ ဝန်ထမ်းများအား တိုက်ရိုက် အမေးအဖြေ ပြုလုပ်ကာ တက်ရောက်လာတဲ့ ဝန်ထမ်းများနှင့် online မှ တက်ရောက်သည့် ရုံးခွဲဝန်ထမ်းများမှ တက်ကြွစွာ ပါဝင်ဖြေဆိုခဲ့ကြပါတယ်။ 

အခမ်းအနားကို C Level များမှ ဦးဆောင်၍ Hana Microfinance ၏ ဆောင်ပုဒ်အား အတူတကွ ရွတ်ဆို၍ အောင်မြင်စွာ ရုပ်သိမ်းခဲ့ပါတယ်။