ဒီဇင်ဘာလ ၁၄၊ ၁၅ ရက်များတွင် Business Strategy Workshop အား အောင်မြင်စွာ ကျင်းပပြုလုပ်ခဲ့

၂၀၂၄ ခုနှစ် ဒီဇင်ဘာလ ၁၄၊ ၁၅ ရက်များတွင် Region 1(A,B) နှင့် Region 2 ရှိ Regional Manager များ၊ Branch Manager များ၊ Assistant Branch Manager များနှင့် Regional Risk Officer များပါဝင်သောBusiness Strategy Workshop ကို ရန်ကုန်ရှိ Zealax Hotel & Residence တွင် ကျင်းပခဲ့ပါတယ်။ အဆိုပါ Workshop သို့ သက်ဆိုင်ရာ Region အသီးသီး သင်တန်းသား (၇၅) ဦး လူကိုယ်တိုင် တက်ရောက်ခဲ့ပါတယ်။ ဆွေးနွေးပွဲ ပထမနေ့တွင် တက်ရောက်လာသည့်သင်တန်းသား များအား C-Levels များဖြစ်သည့် CEO ဦးမင်းမင်းဇော်၊ Deputy Managing Director/CSO Mr .Chang Won Suk၊ CFO Mr. Yoo Byungseo နှင့် CHRO ဒေါ်သက်ထားဦးတို့မှ အဖွင့်အမှာစကားပြောကြားပြီး ဆွေးနွေးပွဲအား စတင်ခဲ့ပါတယ်။ ဖွင့်ပွဲအမှာစကားပြောကြားပြီးနောက် ၂၀၂၄ ခုနှစ်အတွင်း တိုင်းဒေသကြီးနှင့် ပြည်နယ်အလိုက် ပြုလုပ်ဆောင်ရွက်ခဲ့သည်များ၊ အောင်မြင်မှုများ နှင့် ရင်ဆိုင်ကြုံတွေ့ရသည်များစသည့် အခြေအနေ နှင့် ၂၀၂၅ Business Plan အား သက်ဆိုင်ရာ Regional Manager အသီးသီးမှ ဆွေးနွေးတင်ပြခဲ့ကြပါတယ်။ ပထမနေ့၊ နေ့လည်ပိုင်းတွင် Operations Department၊ HR Department ၊ Admin Department နှင့် Accounting Department များ၏ သက်ဆိုင်ရာတာဝန်ရှိသူ များမှ ၎င်းတို့ဌာနဆိုင်ရာ အသီးသီး၏ မူဝါဒများ၊ လုပ်ငန်းစဥ်များနှင့် ၂၀၂၅ ခုနှစ်အတွက် ပြုပြင်ပြောင်းလဲမှုများကို မျှဝေဆွေးနွေးပြောကြားခဲ့ပါတယ်။ ဆွေးနွေးပွဲ ဒုတိယနေ့တွင် Risk Department၊ Communication၊ ICT၊ Automation၊ Internal Audit၊ Legal၊ Strategy နှင့် SIT စသည့် ဌာနအသီးသီး၏ HOD များမှ ဦးဆောင်သော အသိပညာမျှဝေဆွေးနွေးမှုများ၊ အသစ်ထပ်မံပြုလုပ်ထားသော လုပ်ငန်းစဥ်များနှင့် အမေးအဖြေကဏ္ဍများကို ဆက်လက်ဆောင်ရွက်ခဲ့ကြပါတယ်။ ထို့နောက် RM၊ BM များသည် ၄င်းတို့ အဖွဲ့အသီးသီးအလိုက် အဖွဲ့အစည်းဆိုင်ရာ ရည်မှန်းချက်များနှင့် လိုက်လျောညီထွေရှိစေမည့် အစီအစဉ်များကို အားသွန်ခွန်စိုက် ညှိနှိုင်းဆွေးနွေးတင်ပြခဲ့ကြပါတယ်။ Business Strategy Workshop ကို ဒီဇင်ဘာလ ၁၅ ရက်နေ့ ညနေ ၅ နာရီ ခွဲ တွင် အောင်မြင်စွာ ပိတ်သိမ်းနိုင်ခဲ့ပါတယ်။ ညပိုင်း Gala Dinner တွင် Lucky Draw အစီစဥ်များ၊ Best Dress Award ဆု ချီးမြှင့်ပြီး၊ Group Prize ဆုပေးခြင်းများနှင့် ဒီဇင်ဘာလဖွား များအတွက် မွေးနေ့ကိတ်ခွဲခြင်းများလည်း ထည့်သွင်းထား၍ တက်ရောက်သူများမှ တက်ကြွစွာ ပါဝင်ဆင်နွှဲခဲ့ကြပါတယ်။